Poslovne vesti - Makedonija

Официјално потврдена нова линија Скопје - Келн

Најголемиот нискотарифен превозник во централна и во источна Европа, „Визер“, во вторник ја потврди најновата дестинација од аеродромот „Александар Велики“ во Скопје.

Од 4 април 2014 година, двапати неделно, во понеделник и во петок, со Ербас А320 ќе бидат поврзани Скопје и Келн.

Со оваа, четврта, дестинација до Германија, покрај Минхен, Дортмунд и Франкфурт, дополнително ќе се зајакнат врските помеѓу двете земји. Мрежата на дестинации на „Визер“ од Скопје се состои од 14 дестинации во осум земји.

Авиобилетите за Скопје - Келн се достапни со почетна цена од 29 евра.

„Оваа дестинација е нашиот празничен подарок за патниците од Македонија“, се вели во пораката на раководството на авиокомпанијата.